Landsvirkjun hefur tilkynnt um skerðingar á raforku til nokkurra stórnotenda á suðvesturhluta landsins og til fjarvarmaveitna.

Hvað eru fjarvarmaveitur?
Fjarvarmaveitur eru hitaveitur sem hita vatn með raforku og veita því svo í íbúðarhús. Slíkar veitur er að finna á öllum stærstu þéttbýlisstöðum á Vestfjörðum þar sem ekki (ennþá) er aðgengi að jarðvarma.

Skerðingarnar sem hefjast 19. janúar 2024 eru tilkomnar vegna stöðu vatnsbúskapar í lónum Landsvirkjunar og gætu varað í allt að 3 mánuði eða fram í apríl 2024.

Hver eru áhrifin?
Fjarvarmaveitur sjá þúsundum Vestfirðinga fyrir heitu vatni en þegar raforku skortir er gripið í að hita vatn með olíu. Það kann að hljóma sérstakt að nota þurfi olíu til húshitunar á sama tíma og við leitum allra leiða til að draga úr losun og notkun á jarðefnaeldsneyti en svona er staðan. Árið 2022 þurfti að brenna 2,1 milljónum lítra af olíu til húshitunar vegna raforkuskorts og í núverandi orkuskorti gæti olíubruninn orðið jafnvel meiri.

Hvernig leysum við þetta?

• Besta leiðin til að koma í veg fyrir olíunotkun til húshitunar er að leita og finna jarðvarma. Orkubú Vestfjarða með stuðningi Orkustofnunar og Umhverfis – , Orku og Loftlagsráðuneytisins hafa sett mikinn kraft í jarðhitaleit á síðustu árum og vonandi fer sú vinna að bera ávöxt. Því er mikilvægt að styðja áfram við frekari jarðhitaleit.
• Stórar miðlægar varmadælur og miðlægar varmageymslur geta dregið verulega úr olíunotkun og áhugavert er að skoða hvernig þessar lausnir geti nýst betur, sérstaklega þar sem jarðvarma er ekki að finna.
• Auka framboð af heildarorku í kerfinu sem minnkar líkur á að skerðingum tryggir framboð af grænni raforku til fjarvarmaveitna.